2014年4月14日 星期一

紅van

系無睇過書無睇過任何資料既情況下,前幾日十下十下走左去睇《那夜凌晨,我坐上了旺角開往大埔的紅Van》(俗稱紅van)。雖然乜資料都無睇過,但成日聽到人講,又好似系電影節既開幕電影,多少都有d期待。點知真系期望越大,失望越大,成套野同預期所想差幾遠,某程度上可以話幾爛tim。上網搵到個個人覺得比較中肯而且又幾入肉既影評同大家分享下:


當看電影《那夜凌晨,我坐上了旺角開往大埔的紅Van》時,感覺自己像坐上了一架飄移的小巴,迷失了兩個鐘,又不能叫「街口有落」,散場終於鬆一口氣,因代表可以落車了。
我沒有看過原著小說,只帶著香港人的意識進場。你說電腦拍得深奧、太多密碼?我一點也不覺得深,而且覺得很淺白,有些情節更是「畫公仔畫出腸」,而那首經典插曲David Bowie的《Space Oddity》雖悅耳但沒新意,在《紅Van》內也插得很夾硬,營造不出氣氛。
我並非專業影評人,只是作為一位觀眾,好想支持香港電影的,就是因為愛,所以要求也高,以下七點關於這戲的,實在不能忍受。
- 無錯,戲中很多直接及間接的對白,討論香港政治的,例如討論普選、法治,但眾人你一言我一語,感覺很像粗口版的城市論壇,好大嘈音,對白既不是句句到肉,連重點也欠缺。
- 片中也有不少仿傚日本漫畫和日系驚慄片的拍法,例如夾硬加插講日語的面具人,扮政治隱喻,驚嚇不足,最後又不了了之地消失掉,反映劇本薄弱。
- 片中後段一幕「飛機昱」被眾人輪流狂插,但離奇地一滴血都冇流出,又唔死得,我明白導演想諷刺一些人云亦云又滿口仁義道德的人,圍插犯錯的人板,但可唔可以拍得盡一點呢?一係就拍到血淋淋,再唔係就玩黑色幽默,總好過現在唔湯唔水。
- 另一段高潮戲,是眾人戴上口罩,返回紅van,準備駛往大帽山,詳情不在此說,只覺得原本可以好幽默又好有意念的劇情推進,卻拍得胡鬧和混亂,最後有點失控,我寧願故事拍到紅van在大帽山途中迷路或失蹤,然後到此完結,總好過現在的草草收場。
- 這戲的角色很多,但個個性格都比較平面,欠立體描述,例如寫App就四眼呆呆的,塑造得太典型了。
- 值得一讚是一班好演員,如林雪、任達華、惠英紅,卓韻芝也演得不錯,可惜每人的發揮有限,跟劇本欠完整有關,而最難頂的演員是Janice Man,聲線和演技都好小學雞,唔多唔少都反映現在香港影壇新一代人才凋零,女角尤甚。
- 如果想看本土港味,這部又未能做到,除了粗口外,只有零碎街景和茶餐廳,至於眾人生活和社會實況,也只是點到即止,太多嘢想表達,結果樣樣都表達不到。
--------
篇野其中提到 “有些情節更是「畫公仔畫出腸」”,呢句真系成套野比我既感覺。套片好明顯系想映射香港宜家既社會狀況,可惜就系太「畫公仔畫出腸」,對白講得太露底,搞到成套野都無曬內涵,觀眾亦都無曬思考空間。雖然仲有好多其他不足,但作為一部理應系映射社會現狀既電影,淨系呢一點已經可以判部野唔合格。
.
.
.

.

1 則留言:

  1. 完全同意!單睇呢套戲,陳果似乎內涵欠奉。佢太刻意想講嘢,結果反而變得膚淺。

    演員方面我覺得除咗林雪仲保持一貫嘅可愛(但係冇突破),其他演員都唔掂,包括任達華同惠英紅,紅姐其實啲戲一向都冇乜深度,唔明點解會攞獎。

    (Mi)

    回覆刪除